അഞ്ചല്‍: നോട്ടിരട്ടിപ്പ് സംഘത്തിലെ രണ്ടുപേരെ ഏരൂര്‍ പൊലീസ് അറസ്റ്റ് ചെയ്തു. കുളത്തൂപ്പുഴ നെല്ലിമൂട് ഫാത്തിമ മന്‍സിലില്‍ ഷീബ (42), നാവായിക്കുളം പുതുശ്ശേരിമുക്ക് മുക്തിയറ അനീഷ് ഭവനില്‍ അനീഷ് (35) എന്നിവരാണ് പിടിയിലായത്.കൊടുക്കുന്ന തുകയുടെ മൂന്നിരട്ടി രൂപ നല്‍കാമെന്ന് വാഗ്ദാനം ചെയ്ത് രണ്ടുകോടിയോളം രൂപ തട്ടിയെടുത്ത സംഘത്തിലെ കണ്ണികളാണ് ഇവരെന്ന് സംശയിക്കുന്നതായി പൊലീസ് പറഞ്ഞു.
കാസര്‍കോട് കേന്ദ്രമാക്കി പ്രവര്‍ത്തിക്കുന്ന സംഘത്തില്‍പെട്ട ഏജന്‍റുമാരാണ് ഇവരെന്ന വിവരവും പൊലീസിന് ലഭിച്ചിട്ടുണ്ട്. കുളത്തൂപ്പുഴ, തിരുവനന്തപുരം, കാസര്‍കോട് ഭാഗങ്ങളിലെ പലരും ഇവരുടെ തട്ടിപ്പിനിരയായി.
ഫാം നടത്തുന്നവരെയും ചെറുകിട വ്യവസായികളെയുമാണ് സംഘം പ്രധാനമായും വലയില്‍ കുടുക്കുന്നത്. നല്‍കുന്ന തുകയുടെ മൂന്നിരട്ടിയോളം ഒരുമാസത്തിനുള്ളില്‍ തിരികെ നല്‍കാമെന്ന് പറഞ്ഞായിരുന്നു തട്ടിപ്പ്.
