ടോക്കിയോ : ടോക്കിയോ ഒളിംപിക്സ് പുരുഷ ഹോക്കി ക്വാര്‍ട്ടര്‍ ഫൈനലില്‍ ഇന്ത്യക്ക് തകര്‍പ്പന്‍ ജയം. ബ്രിട്ടനെ ഒന്നിനെതിരെ മൂന്ന് ഗോളുകള്‍ക്ക് തകര്‍ത്ത ഇന്ത്യ സെമി ബെര്‍ത്ത് ഉറപ്പിച്ചു. ക്വാര്‍ട്ടര്‍ ഫൈനലില്‍ ബ്രിട്ടനെ 3-1ന് തോല്‍പ്പിച്ചാണ് ഇന്ത്യയുടെ മുന്നേറ്റം. ബെല്‍ജിയമാണ് സെമിയില്‍ ഇന്ത്യയുടെ എതിരാളി.
41 വര്‍ഷത്തിനുശേഷമാണ്‌ ഇന്ത്യ ഒളിംപിക്സ്ഹോക്കി സെമിയില്‍ കടക്കുന്നത്‌. 1980-ലെ മോസ്‌കോ ഒളിംപിക്സിലാണ് ഇന്ത്യ അവസാനമായി സെമിയിലെത്തിയത്.
ഇന്ത്യന്‍ ജഴ്സിയില്‍ 50-ാം മത്സരത്തിന് ഇറങ്ങിയ ദില്‍പ്രീത് സിംഗ് (7), ഗുര്‍ജന്ത് സിംഗ് (16), ഹാര്‍ദിക് സിംഗ് (57) എന്നിവരാണ് ഇന്ത്യയ്ക്കായി ലക്ഷ്യം കണ്ടത്.
മലയാളിയായ ഗോള്‍കീപ്പര്‍ പി.ആര്‍. ശ്രീജേഷിന്‍റെ തകര്‍പ്പന്‍ സേവുകളാണ് മത്സരത്തില്‍ ഇന്ത്യയ്ക്ക് തുണയായത്..
