ന്യൂഡൽഹി: കോവിഡ് മൂന്നാം തരംഗം ഉടനെന്ന് ഇന്ത്യൻ മെഡിക്കൽ അസോസിയേഷൻ (ഐഎംഎ). കോവിഡ് നിയന്ത്രണങ്ങൾ കടുപ്പിക്കണമെന്നും ഐഎംഎ കേന്ദ്രസർക്കാരിനോട് ആവശ്യപ്പെട്ടു.
ഉത്സവാഘോഷങ്ങളടക്കം മാറ്റിവയ്ക്കണമെന്നും വിനോദസഞ്ചാര കേന്ദ്രങ്ങളിലും ആരാധനാലയങ്ങളിലും നിയന്ത്രണം വേണമെന്നും ഐഎംഎ ആവശ്യപ്പെട്ടു. അടുത്ത മൂന്ന് മാസം നിർണായകമെന്നും ഐഎംഎ അറിയിച്ചു.
രാജ്യത്തിന്റെ പല ഭാഗങ്ങളിലും സർക്കാരും പൊതുജനങ്ങളും കോവിഡ് പ്രോട്ടോക്കോൾ പാലിക്കാതെ അലംഭാവം കാണിക്കുന്നത് വേദനാജനകമാണെന്നും ഐഎംഎ അധ്യക്ഷൻ ഡോ. ജെ.എ. ജയലാൽ പറഞ്ഞു.
വിനോദസഞ്ചാരം, തീർഥാടന യാത്ര, ഉത്സവങ്ങൾ എന്നിവയെല്ലാം ആവശ്യമാണ്. എന്നാൽ കുറച്ചു മാസങ്ങൾ കൂടി കാത്തിരിക്കാം. വാക്സിൻ സ്വീകരിക്കാതെ ആളുകൾ തീർഥാനത്തിനും ഉത്സവങ്ങളിലും മറ്റും പങ്കെടുക്കുന്നത് കോവിഡ് വ്യാപനത്തിലേക്ക് വഴിതെളിക്കുമെന്നും ജയലാൽ പറഞ്ഞു.
യാതൊരു കാരണവശാലും കോവിഡ് നിയന്ത്രണങ്ങളിൽ ഇളവ് വരുത്തരുതെന്നും ഐഎംഎ കേന്ദ്ര-സംസ്ഥാന സർക്കാരുകൾക്ക് മുന്നറിയിപ്പ് നൽകുകയും ചെയ്തു.