മാഡ്രിഡ്: യുവേഫ ചാമ്പ്യന്‍സ് ലീഗ് ക്വാര്‍ട്ടറിന്‍റെ ആദ്യ പാദത്തില്‍ ലിവർപുളിനെതിരെ റയൽ മാഡ്രിഡിന് ജയം. മാഡ്രിഡിൽ നടന്ന മത്സരത്തിൽ ഒന്നിനെതിരെ മൂന്നു ഗോളുകൾക്കാണ് റയൽ ജയിച്ചത്. വിനീഷ്യസ് ജൂനിയര്‍ ഇരട്ട ഗോൾ നേടി.
ആദ്യ പകുതിയിൽ തന്നെ ലിവർപുൾ എതിരില്ലാത്ത രണ്ടു ഗോളുകൾക്ക് പിറകിലായി. 27-ാം മിനിറ്റിൽ വിനീഷ്യസ് ജൂനിയറിലൂടെ ആയിരുന്നു റയലിന്‍റെ ആദ്യ ഗോൾ. 36-ാം മിനിറ്റിൽ മാർക്കോ അസൻസിയോ റയലിന്‍റെ രണ്ടാം ഗോളും വലയിലാക്കി. ആദ്യ രണ്ടു ഗോളുകളും സൃഷ്ടിച്ചത് ക്രൂസ് ആയിരുന്നു.
രണ്ടാം പകുതിയുടെ തുടക്കത്തിൽ മുഹമ്മദ് സലായിലൂടെ ലിവർപുൾ തിരിച്ചടിച്ചു. എന്നാൽ 65-ാം മിനിറ്റിൽ വീണ്ടും വിനീഷ്യസ് വലകുലുക്കിയതോടെ റയലിന്‍റെ വിജയം ഉറപ്പായി.
