മലപ്പുറം;ജില്ലയിൽ എൽഡിഎഫ് സീറ്റുകൾ ഇരട്ടിയാക്കുമെന്ന് മന്ത്രി കെടി ജലീൽ. കഴിഞ്ഞ തവണ 4 സീറ്റുകളാണ് ലഭിച്ചത്. ഇത് ഇക്കുറി എട്ട് സീറ്റുകൾ ആക്കും. തവനൂരിലും യാതൊരു അത്ഭുതവും സംഭവിക്കാൻ പോകുന്നില്ലെന്നും ജലീൽ പറഞ്ഞു. വോട്ട് ചെയ്ത ശേഷം മാധ്യമങ്ങളോട് സംസാരിക്കുകയായിരുന്നു മന്ത്രി.
സംസ്ഥാനത്ത് എൽഡിഎഫ് മികച്ച ഭൂരിപക്ഷം നേടി അധികാര തുടർച്ച നേടും. നിലപാടുകളിലെ വ്യക്തത, വികസന പ്രവര്ത്തനങ്ങളിലെ തുടര്ച്ച,. വിവിധ മേഖലകളിലുള്ള ധീരമായ കാൽവെപ്പ് ഇതെല്ലാം കേരളത്തിൽ ഭരണത്തുടർച്ചയ്ക്ക് വഴിവെയ്ക്കും. വെല്ലുവിളികൾക്കിടയിലും കേരളത്തിന്റെ മുഖ്യമന്ത്രി സ്വപ്ന തുല്യമായ നേട്ടങ്ങൾ നടത്തി ജനങ്ങൾക്കിടയിൽ സജീവമാണ്. തവനൂരിൽ കഴിഞ്ഞ രണ്ട് തവണയും വ്യക്തമായ ഭൂരിപക്ഷം നേടാൻ എൽഡിഎഫിന് സാധിച്ചിരുന്നു. ഇത്തവണയും യാതൊരു മാറ്റവും സംഭവിക്കില്ലെന്നും ജലീൽ പറഞ്ഞു.
കഴിഞ്ഞ നിയമസഭ തിരഞ്ഞെടുപ്പിൽ ഇടത് തരംഗത്തിനിടയിലും യുഡിഎഫ് വൻ വിജയം നേടിയ ജില്ലയാണ് മലപ്പുറം. ആകെയുള്ള 16 സീറ്റിൽ 12 ഉം യുഡിഎഫിന് ലഭിച്ചു. 12 ലും ലീഗ് സ്ഥാനാർത്ഥികളായിരു്നു വിജയിച്ചത്. ഇത്തവണ ജില്ലയിൽ മുഴുവൻ സീറ്റുകളിലും വിജയിക്കുമെന്ന് യുഡിഎഫ് അവകാശപ്പെടുന്നു