ന്യൂഡല്ഹി: വിജയ് ഹസാരെ ട്രോഫി പ്രാഥമിക ഘട്ടം കടന്ന കേരളം നോക്കൗട്ട് റൗണ്ടിലെ ആദ്യ മത്സരത്തില് തന്നെ വീണു. എതിരാളികളായ കര്ണാടകക്കായി സെഞ്ച്വറി കരുത്തില് രവികുമാര് സമര്ഥും (192) മലയാളി താരം ദേവ്ദത്തു (101)മുള്പെട്ട സംഘം മുന്നോട്ടുവെച്ച 338 റണ്സ് എന്ന വിജയ ലക്ഷ്യം പാതിവഴിയില് നിര്ത്തി 258 റണ്സിന് എല്ലാവരും പുറത്താകുകയായിരുന്നു. 80 റണ്സിനായിരുന്നു കര്ണാടകയുടെ വിജയം.
92 റണ്സെടുത്ത വത്സല് ഗോവിന്ദും 52 റണ്സുമായി മുഹമ്മദ് അസ്ഹറുദ്ദീനും മാത്രമാണ് കേരളത്തിനായി ചെറുത്തുനിന്നത്. 27 റണ്സെടുത്ത സച്ചിന് ബേബിയും വാലറ്റത്തെ കൂട്ടുപിടിച്ച് 24 റണ്സുമായി ജലജ് സക്സേനയും ചെറുതായെങ്കിലും കൂട്ടുനല്കി.