ദുബായ്: എയർഇന്ത്യ എക്സ്പ്രസ് വിമാനങ്ങൾക്ക് ദുബായിൽ താത്കാലിക വിലക്ക് . വന്ദേ ഭാരത് മിഷനിൽ ഉൾപ്പെട്ടിട്ടുള്ള വിമാനങ്ങൾക്കാണ് വിലക്ക്. കോവിഡ് പോസിറ്റീവായവരെ ചട്ടം ലംഘിച്ച് യാത്ര ചെയ്യാന് അനുവദിച്ചെന്ന് ചൂണ്ടിക്കാട്ടിയാണ് ദുബായ് സിവില് ഏവിയേഷന്റെ നടപടി.
ഈ മാസം 18 മുതല് ഒക്ടോബര് രണ്ടുവരെ പതിനഞ്ചു ദിവസത്തേക്കാണ് വിലക്കേർപ്പെടുത്തിയിരിക്കുന്നതെന്ന് ഗൾഫ് ന്യൂസ് റിപ്പോർട്ട് ചെയ്തു. വിലക്കിനെ തുടര്ന്ന് ദുബായിയിലേക്കുള്ള എയര്ഇന്ത്യ എക്സ്പ്രസ് വിമാനം ഷാര്ജയിലേക്ക് റീ ഷെഡ്യൂള് ചെയ്തു.
ഒക്ടോബര് രണ്ടുവരെ എയര് ഇന്ത്യ എക്സ്പ്രസ് വിമാനത്തിന് ദുബായിയിലേക്കോ ദുബായിയില് നിന്ന് പുറത്തേക്കോ സര്വീസ് നടത്താന് കഴിയില്ല. ഓഗസ്റ്റിലാണ് കോവിഡ് രോഗിയെ എയര് ഇന്ത്യ എക്സ്പ്രസ് വിമാനത്തില് ദുബായിയില് എത്തിച്ചതായി കണ്ടെത്തിയത്. പിന്നാലെ ദുബായ് സിവില് ഏവിയേഷന് എയര് ഇന്ത്യയ്ക്ക് നോട്ടീസ് നല്കുകയും ചെയ്തിരുന്നു.
എന്നാല് ഈ മാസം നാലിന് ജയ്പുറില്നിന്ന് മറ്റൊരു കോവിഡ് രോഗി കൂടി എയര് ഇന്ത്യ എക്സ്പ്രസ് വിമാനത്തില് ദുബായിയില് എത്തിയതോടെയാണ് വിലക്കേര്പ്പെടുത്തുന്നതിലേക്ക് കാര്യങ്ങള് നീങ്ങിയത്. കോവിഡ് പോസിറ്റീവ് ആയ രണ്ട് പേരുടേയും ചികിത്സാ ചിലവും സഹയാത്രികരുടെ ക്വറന്റീന് ചിലവുകളും എയര് ഇന്ത്യ എക്പ്രസ് ഏറ്റെടുക്കണമെന്ന് ദുബായ് സിവില് ഏവിയേഷന് നല്കിയ നോട്ടീസില് പറയുന്നു