കാളികാവ്:മലവെള്ളപ്പാച്ചിലില്‍ ഒഴുകിവന്ന കാട്ടാനക്കുട്ടിയെ വനപാലകരും നാട്ടുകാരും ചേര്‍ന്ന് സാഹസികമായി രക്ഷപ്പെടുത്തി. ചോക്കാട് കല്ലാമൂല വള്ളിപ്പൂളയില്‍ ഞായറാഴ്ച പുലര്‍ച്ച ഒന്നിനാണ് സംഭവം. ആനക്കുട്ടിയെ രക്ഷപ്പെടുത്തി ചിങ്കക്കല്ലിന് മുകളില്‍ വനത്തില്‍ വിട്ടു.
ആനക്കുട്ടിയുടെ കരച്ചില്‍ കേട്ടവര്‍ വനപാലകരെ അറിയിക്കുകയായിരുന്നു. പുലര്‍ച്ച മൂന്നുവരെ നടത്തിയ രക്ഷാപ്രവര്‍ത്തനത്തിലാണ് ആനക്കുട്ടിയെ കരകയറ്റിയത്.
