തിരുവനന്തപുരം: സായുധ സേനയിലെ സ്ഥലംമാറ്റ പട്ടിക തിരുത്തിയ ഡിജിപിക്കെതിരെ സംസ്ഥാന സർക്കാർ. അസിസ്റ്റന്‍റ് കമാൻഡർമാരുടെ സ്ഥലംമാറ്റപട്ടിക തിരുത്തിയ ഡിജിപി ലോക്നാഥ് ബെഹ്റയുടെ ഉത്തരവ് ആഭ്യന്തരവകുപ്പ് റദ്ദാക്കി.
ഡിജിപിയുടെ നടപടി ചട്ടവിരുദ്ധമാണെന്നും ആഭ്യന്തരവകുപ്പ് ഉത്തരവിറക്കി. സ്ഥലംമാറ്റപ്പെട്ടവരിൽ അഞ്ച് പേരെ അവരുടെ സൗകര്യം അനുസരിച്ച് ഡിജിപി മാറ്റി നിയമിച്ചിരുന്നു. ഡിജിപിയുടെ നടപടി ചട്ടവിരുദ്ധമാണെന്നും, സ്ഥലം മാറ്റ ഉത്തരവിൽ ഡിജിപിക്ക് ഇടപെടാൻ കഴിയില്ലെന്നുമാണ് ആഭ്യന്തരവകുപ്പ് വ്യക്തമാക്കുന്നത്.
