ആലപ്പുഴ: ദുരിതാശ്വാസ ക്യാന്പിൽ തട്ടിപ്പു നടത്തിയ സിപിഎം ബ്രാഞ്ച് സെക്രട്ടറിക്കു സസ്പെൻഷൻ. ആലപ്പുഴ നീലംപേരൂർ ബ്രാഞ്ച് സെക്രട്ടറി കെ.പി സുകുമാരനെയാണ് ഒരു വർഷത്തേക്കു സസ്പെൻഡ് ചെയ്തത്.
ഇടതുമുന്നണി ഭരിക്കുന്ന നീലംപേരൂർ പഞ്ചായത്തിൽ വെള്ളപ്പൊക്ക ദുരിതമനുഭവിക്കുന്നവർക്കു വിതരണം ചെയ്യാൻ എത്തിച്ച ഭക്ഷ്യധാന്യങ്ങളിലാണു സുകുമാരൻ തിരിമറി നടത്തിയത്. കാണാതായ ഭക്ഷ്യധാന്യങ്ങൾ സുകുമാരന്റെ വീട്ടിൽ കണ്ടെത്തിയതിനെ തുടർന്നാണു പാർട്ടി നടപടിയെടുത്തത്.
ഒടുവിൽ, വെട്ടിപ്പിനു കൂട്ടുനിന്ന പഞ്ചായത്ത് വൈസ് പ്രസിഡന്റ് പണം തിരികെനൽകി. സംഭവത്തിൽ നാട്ടുകാരുടെ പരാതിയിൽ കൈനടി പോലീസും അന്വേഷണം തുടങ്ങിയിട്ടുണ്ട്.