ലണ്ടന്‍:ഇംഗ്ലണ്ടില്‍ ആദ്യമായി വളര്‍ത്തു മൃഗത്തിന് കോവിഡ് സ്ഥിരീകരിച്ചു. ലണ്ടനിനടത്തു സറി കൗണ്ടിയിലാണ് ഒരു കുടുംബത്തിെന്‍റ വളര്‍ത്തു പൂച്ചക്ക് രോഗം സ്ഥിരീകരിച്ചത്. രാജ്യത്തെ മൃഗവകുപ്പ് മേധാവിയാണ് ഇക്കാര്യം അറിയിച്ചത്. എന്നാല്‍, മൃഗങ്ങളിലൂടെ കോവിഡ് വ്യാപിക്കുമെന്ന് ഇതുവരെ തെളിയിക്കപ്പെട്ടിട്ടില്ലെന്ന് ആരോഗ്യ മന്ത്രാലയം പ്രതികരിച്ചു
”മൃഗങ്ങളില്‍ രോഗം സ്ഥിരീകരിച്ച രാജ്യത്തെ ആദ്യ സംഭവമാണിത്. ഈ പൂച്ചയില്‍ നിന്ന് മറ്റുള്ളവരിലേക്ക് രോഗം വ്യാപിച്ചതായി ഇതുവരെ കണ്ടെത്തിയിട്ടില്ല”-പരിസ്ഥിതി മന്ത്രാലയം പ്രതികരിച്ചു.
ചൊറി ബാധിച്ച്‌ അവശത അനുഭവപ്പെട്ട പൂച്ചയുടെ സ്രവം വിശദ പരിശോധനക്ക് വിധേയമാക്കിയപ്പോഴാണ് കൊറോണ വൈറസ് കണ്ടെത്തിയത്.
ഇംഗ്ലണ്ടിലെ ആദ്യ സംഭവമാണെങ്കിലും അമേരിക്കയിലും മറ്റു ചിലരാജ്യങ്ങളിലും മൃഗങ്ങളിലൂടെ വൈറസ് വ്യാപിച്ചേക്കാമെന്ന റിപ്പോര്‍ട്ടുകള്‍ പുറത്തു വന്നിട്ടുണ്ട്
