കൊച്ചിയിലെ ആസ്റ്റർ മെഡ്സിറ്റി ഹോസ്പിറ്റലിൽ പ്രവർത്തിക്കുന്ന ആയുർവേദ വിഭാഗം കേന്ദ്ര സർക്കാരിന്റെ ആശുപത്രികൾക്കായുള്ള ഏറ്റവും ഉയർന്ന അംഗീകാരമായ NABH കരസ്ഥമാക്കി. ഒരു ആധുനിക അലോപ്പതി ആശുപത്രിയിൽ പ്രവർത്തിക്കുന്ന ആയുർവേദ വിഭാഗത്തിന് രാജ്യത്ത് ആദ്യമായാണ് ആയുഷ് വ്യവസ്ഥകൾ കൂടി അനുസരിച്ചുള്ള ഈ അംഗീകാരം ലഭിക്കുന്നത്.
ബാംഗ്ലൂർ ആസ്ഥാനമായുള്ള പ്രശസ്ത ആയുർവേദ ചികിത്സാശൃംഖലയായ ആയുർവൈദ് ഹോസ്പിറ്റൽസിന്റെ വിദഗ്ദ്ധ സഹകരണത്തോടെയാണ് ഈ ആയുർവേദ വിഭാഗം പ്രവർത്തിച്ചു വരുന്നത്. രോഗികൾക്ക് ആയുർവേദ അലോപ്പതി സമന്വയത്തിലൂടെ ഏറ്റവും ഫലപ്രദങ്ങളായ ചികിത്സകൾ കേന്ദ്ര സർക്കാർ അനുശാസിക്കുന്ന വ്യവസ്ഥാ ബന്ധിതമായ രീതികളിൽ ലഭ്യമാകുന്നതോടൊപ്പം, ആരോഗ്യ ഇൻഷുറൻസ് കവറേജ് ക്യാഷ്ലെസ്സ് ആയി ലഭിക്കുവാനും ഈ അംഗീകാരം സഹായകരമാകും.
ലോകം കടന്നു പോകുന്ന ഈ ഗുരുതര സാഹചര്യത്തിൽ കോവിഡ് പ്രതിരോധത്തിനും രോഗപ്രതിരോധശേഷി കൂട്ടുന്നതിനും ആയി ആയുർവൈദ് ചികിത്സാ രീതി ഇവിടെ ലഭ്യമാണ്. കൂടുതൽ വിവരങ്ങൾക്ക്:https://t.co/dKdh9jN2ok