തിരുവനന്തപുരം:കൊറോണ വൈറസ് ബാധയെക്കുറിച്ച് സാമൂഹ്യ മാധ്യമങ്ങളില് വ്യാജ വാര്ത്ത പ്രചരിപ്പിച്ചതിന് സംസ്ഥാനത്ത് മൂന്നു കേസുകള് രജിസ്റ്റര് ചെയ്തു. എറണാകുളം സെന്ട്രല് പൊലീസ് സ്റ്റേഷനില് രണ്ടും ത്യശൂര് കുന്നംകുളം പോലീസ് സ്റ്റേഷനില് ഒരു കേസുമാണ് രജിസ്റ്റര് ചെയ്തിരിക്കുന്നത്. ഇതുവരെ ആരെയും അറസ്റ്റ് ചെയ്തിട്ടില്ല.
എറണാകുളം പൊലീസ് അസിസ്റ്റന്റ് കമ്മീഷ്ണര് കെ.ലാല്ജിയുടെ പേരില് വ്യാജസന്ദേശം പ്രചരിപ്പിച്ചതിനാണ് ഒരു കേസ്. കൊറോണ വൈറസ്സുമായി ബന്ധപ്പെട്ട് അസുഖങ്ങള് ഒന്നുംതന്നെ ഇല്ലെന്നും സര്ക്കാര് മന:പൂര്വ്വം പ്രശ്നങ്ങള് ഉണ്ടാക്കുന്നതാണെന്നും കാണിച്ച് സാമൂഹിക മാധ്യമങ്ങളില് വീഡിയോ പ്രചരിപ്പിച്ചതിന് ജയിംസ് വടക്കാഞ്ചേരി എന്നയാളെ പ്രതിയാക്കിയാണ് രണ്ടാമത്തെ കേസ്.
കുന്നംകുളം താലൂക്ക് ആശുപത്രിയില് കൊറോണ ബാധിച്ചയാളെ പ്രവേശിപ്പിച്ചിട്ടുണ്ടെന്ന് സാമൂഹിക മാധ്യമങ്ങളില് പ്രചരിപ്പിച്ചതിന് എരുമപ്പെട്ടി സ്വദേശി പ്രവീഷ് ലാലിനെതിരെയാണ് കുന്നംകുളം പൊലീസ് കേസ് രജിസ്റ്റര് ചെയ്തത്.
കേരളത്തിൽ ഏറ്റവും കൂടുതൽ വായിക്കപ്പെടുന്ന വാട്സ്ആപ്പ് വാർത്തകൾ ഇനി നിങ്ങൾക്കും. താഴെ കാണുന്ന ലിങ്കിൽ ക്ലിക്ക് ചെയ്ത് ഗ്രൂപ്പിൽ ചേരാം:
https://chat.whatsapp.com/GuudxtLhAiIG4uoIVbclOR