ന്യൂഡല്ഹി: നിര്ഭയകേസ് പ്രതി വിനയ് ശര്മ്മ ചുമരില് തലയിടിപ്പിച്ച് സ്വയം പരിക്കേല്പ്പിച്ചു. പരിക്കേറ്റ പ്രതിയെ ആശുപത്രിയിലേക്ക് മാറ്റി. മാര്ച്ച് 3-നാണ് നിര്ഭയക്കേസ് പ്രതികളെ തൂക്കിലേറ്റാന് വിധിച്ചിരിക്കുന്നത്.
ജയില് അധികൃതര് പ്രതികളെ കര്ശനമായി നിരീക്ഷിച്ചു വരികയാണ്. തലപൊട്ടി ചോരയൊലിച്ച വിനയ് ശര്മ്മയെ അധികൃതര് പെട്ടെന്ന് തന്നെ ആശുപത്രിയില് എത്തിച്ച് ചികിത്സ നല്കുകയും ചെയ്തു.
അതേസമയം വിനയ് ശര്മ്മ സ്വയം മുറിവേല്പ്പിക്കുന്നത് ഇതാദ്യമല്ല. നേരത്തേ സ്വന്തം കൈ ഗ്രില്ലിനിടയിലൂടെ കടത്തി ഇയാള് ഒടിക്കാന് ശ്രമിച്ചിരുന്നു. ഫെബ്രുവരി 16 ന് മാതാവ് ജയിലില് മകനെ സന്ദര്ശിക്കാനെത്തിയതിന് പിന്നാലെ ആയിരുന്നു ഈ സംഭവം. മകന് തന്നെ തിരിച്ചറിഞ്ഞില്ലെന്ന് ഇവര് ജയില് അധികൃതരോട് പരാതി പറയുകയും ചെയ്തിരുന്നു. പുതിയ മരണവാറന്റ് വന്നതോടെ വിനയ് ശര്മ്മയുടെ മനോനില തന്നെ തെറ്റിയ നിലയിലാണെന്നാണ് ജയില് കൗണ്സല് എപി സിംഗ് പറയുന്നത്. എന്നാല് ശര്മ്മയെ കൗണ്സിലിംഗ് നടത്തിയതില് നിന്നും അത്തരമൊരു സൂചന കിട്ടുന്നില്ലെന്ന് മനശ്ശാസ്ത്ര പരിശോധനകള് വ്യക്തമാക്കി.
താഴെക്കൊടുത്തിരിക്കുന്ന ലിങ്കിൽ ക്ലിക്ക് ചെയ്തു കേരളവിഷൻ ഗ്രൂപ്പിൽ ചേരാം:
https://chat.whatsapp.com/BJc0Xq2qnfqItFdCgqj2tx