ന്യൂഡല്‍ഹി: ഡിസ്കവറി ചാനലിന്‍റെ മാന്‍ vs വൈല്‍ഡ് ഷോയുടെ ചിത്രീകരണത്തിനിടെ സൂപ്പര്‍ സ്റ്റാര്‍ രജനീകാന്തിന് പരിക്ക്. കര്‍ണാടകയിലെ ബന്ദിപ്പൂര്‍ വനത്തില്‍ ബെയര്‍ ഗ്രില്‍സിനൊപ്പമുള്ള ചിത്രീകരണ വേളയിലാണ് താരത്തിന് പരിക്കേറ്റത്. പരിക്ക് നിസാരമാണെന്ന് വാര്‍ത്താ ഏജന്‍സി എഎന്‍ഐ ട്വീറ്റ് ചെയ്തു. താരത്തിന്‍റെ കണങ്കാലിനു നേരിയ പരിക്കും തോളിനു ചതവും പറ്റിയിട്ടുണ്ടെന്നാണ് റിപ്പോര്‍ട്ടുകള്‍. താരത്തിന് പരിക്കേറ്റതിനാല്‍ ചിത്രീകരണം താത്കാലികമായി നിര്‍ത്തിവച്ചു. ബന്ദിപ്പൂര്‍ കടുവ സംരക്ഷണ കേന്ദ്രത്തില്‍ ചൊവ്വാഴ്ച മുതലായിരുന്നു ഷൂട്ട് ആരംഭിച്ചത്.
Sources: Actor Rajinikanth has suffered minor injuries during the shooting of an episode of ‘Man vs Wild’ with British adventurer Bear Grylls, at Bandipur forest in Karnataka. (file pics) pic.twitter.com/uQxsHCTkCb
— ANI (@ANI) January 28, 2020
