സനാ: യെമനില്‍ സൈനിക ക്യാമ്പിന് നേരെയുണ്ടായ മിസൈല്‍ ആക്രമണത്തില്‍ 80 പേര്‍ കൊല്ലപ്പെട്ടു. നിരവധിപ്പേര്‍ക്ക് പരിക്കേല്‍ക്കുകയും ചെയ്തു. ഹൂതി വിമതരാണ് അക്രമണം നടത്തിയതെന്നാണ് വിവരം. എന്നാല്‍ അവര്‍ ഉത്തരവാദിത്തം ഏറ്റെടുത്തിട്ടില്ല.
ശനിയാഴ്‍ച രാത്രിയില്‍ മറിബിലുള്ള സൈനിക ക്യാമ്പിലെ പള്ളിക്കു നേരെയാണ് ആക്രമണം നടന്നത്. സൈനികര്‍ പ്രാര്‍ഥനയിലായിരുന്ന സമയത്തായിരുന്നു ആക്രമണം. മിസൈല്‍ ആക്രമണത്തിന് ഡ്രോണുകള്‍ ഉപയോഗിച്ചതായും വിവരങ്ങളുണ്ട്.
