ഡല്ഹി: നിര്ഭയ കൂട്ടബലാത്സംഗ കേസിലെ പ്രതികളായ വിനയ് ശര്മ്മ, മുകേഷ് സിംഗ് എന്നിവര് നല്കിയ തിരുത്തല് ഹര്ജി ഇന്ന് സുപ്രീംകോടതി പരിഗണിക്കും. ഉച്ചക്ക് 1.45 ന് ജസ്റ്റിസ് എന് വി രമണയുടെ ചേംബറിലാണ് ഹര്ജികള് പരിഗണിക്കുക. കേസിലെ നാല് പ്രതികള്ക്കും ഡല്ഹി പട്യാല കോടതി മരണവാറണ്ട് പുറപ്പെടുവിച്ചിരുന്നു. 22 ന് രാവിലെ 7 മണിക്ക് വധശിക്ഷ നടപ്പാക്കാനാണ് ഉത്തരവ്. 2012 ഡിസംബര് 16 ന് ഓടിക്കൊണ്ടിരുന്ന ബസില് 23 കാരിയായ പെണ്കുട്ടിയെ ക്രൂരമായി ബലാത്സംഗത്തിന് ഇരയാക്കുകയും പിന്നീട് പെണ്കുട്ടി മരിക്കുകയും ചെയ്ത കേസിലാണ് നാല് പ്രതികള്ക്കും വധശിക്ഷ നല്കിയത്.
![](https://keralavisiontv.com/wp-content/uploads/2018/04/logo-1.jpg)