ലക്നോ: ഉത്തര്പ്രദേശ് പോലീസ് തന്നെ കൈയേറ്റം ചെയ്തെന്ന് കോണ്ഗ്രസ് ജനറല് സെക്രട്ടറി പ്രിയങ്ക ഗാന്ധി. ഒരു വനിത പോലീസ് തന്നെ കഴുത്തില് പിടിച്ച് തള്ളി. പോലീസിന്റത് അനാവശ്യ ഇടപെടലാണെന്നും രാജ്യത്ത് ജനാധിപത്യം തകര്ന്നിരിക്കുകയാണെന്നുംഅവര് പറഞ്ഞു. പൗരത്വഭേദഗതി നിയമത്തിനെതിരെയുള്ള പ്രതിഷേധത്തിനിടെ അറസ്റ്റിലായ മുന് ഐപിഎസ് ഓഫീസര് എസ്.ആര്.ദാരാപുരിയുടേ കുടുംബത്തെ സന്ദര്ശിക്കുന്നതിന് വേണ്ടി പോകുന്നതിനിടെയാണ് യുപി പോലീസ് പ്രിയങ്കയെ തടഞ്ഞത്.
എന്തിനാണ് പോലീസ് തടഞ്ഞതെന്ന് അറിയില്ലെന്നും പോലീസ് തന്നെ കൈയേറ്റം ചെയ്തെന്നും പ്രിയങ്ക പറഞ്ഞു. തുടര്ന്ന് അവര് കാറില് നിന്നിറങ്ങി പാര്ട്ടി പ്രവര്ത്തകന്റെ സ്കൂട്ടറില് കയറിയാണ് ദരാപുരിയുടെ കുടുംബാംഗങ്ങളെ സന്ദര്ശിക്കാനായി എത്തിയത്. സ്കൂട്ടറില് കയറി പോകുന്നതിനിടെയാണ് ഒരു പോലീസുകാരന് കൈയേറ്റം ചെയ്തെന്നാണ് പ്രയിങ്കയുടെ ആരോപണം.
യുപി പോലീസ് കൈയേറ്റം ചെയ്തു: പ്രിയങ്ക ഗാന്ധി
By
December 28, 2019 8:45 pm