തിരുവനന്തപുരം: എസ്ബിഐ എടിഎമ്മില് നിന്ന് പണം പിന്വലിക്കാന് ജനുവരി ഒന്നുമുതല് പുതിയ രീതി. ഒടിപി അടിസ്ഥാനമാക്കിയുള്ള പണം പിന്വലിക്കല് രീതിയാണ് ബാങ്ക് പുതുവര്ഷത്തിന്റെ ആദ്യ ദിനം മുതല് നടപ്പിലാക്കുക. എടിഎമ്മുകളിലെ അനധികൃത ഇടപാടുകളില് നിന്ന് ഉപയോക്താക്കളെ രക്ഷിക്കുന്നതിനാണ് ഈ സംവിധാനമെന്ന് എസ്ബിഐ വൃത്തങ്ങള് പറയുന്നു. രാത്രി എട്ടുമുതല് രാവിലെ എട്ടുവരെയാണ് പുതിയ രീതിയില് പണം പിന്വലിക്കേണ്ടത്.
പിന്വലിക്കേണ്ട തുക എത്രയെന്ന് എടിഎമ്മില് രേഖപ്പെടുത്തുക. അപ്പോള് തന്നെ രജിസ്റ്റര് ചെയ്ത മൊബൈല് നമ്പറില് ഒടിപി ലഭ്യമാകും. തുടര്ന്ന് ഒടിപി നല്കുമ്പോള് പണം ലഭിക്കും. 10,000 രൂപയ്ക്ക് മുകളിലുള്ള തുക പിന്വലിക്കുന്നതിനാണ് പുതിയ രീതി. മറ്റു ബാങ്കുകളുടെ എടിഎമ്മില് നിന്ന് പണം ലഭ്യമാകാന് പഴയ രീതി തന്നെ തുടരും.