തിരുവനന്തപുരം : ദി ഗ്രേറ്റ് ഇന്ത്യന്‍ നോവല്‍ എന്ന പുസ്തകത്തില്‍ നായര്‍ സ്ത്രീകളെ മോശമായി പരാമര്‍ശിച്ചെന്ന കേസില്‍ ശശി തരൂര്‍ എം പിക്കെതിരെ അറസ്റ്റ് വാറന്റ്. തിരുവനന്തപുരം അഡീഷണല്‍ ചീഫ് ജുഡീഷ്യല്‍ മജിസ്ട്രേറ്റ് കോടതിയാണ് ഉത്തരവിട്ടത്.
സന്ധ്യ ശ്രീകുമാര്‍ നല്‍കിയ സ്വകാര്യ ഹര്‍ജിയില്‍ തിരുവനന്തപുരം എംപിക്കെതിരെ കോടതി നേരിട്ട് കേസെടുത്തിരുന്നു. കഴിഞ്ഞ മാസം നേരിട്ട് ഹാജരാകാന്‍ നിര്‍ദേശിച്ചിരുന്നെങ്കിലും ശശി തരൂര്‍ ഹാജരാകാതിരുന്നതിനെ തുടര്‍ന്നു കോടതി അറസ്റ്റ് വാറന്റ് പുറപ്പെടുവിക്കുകയായിരുന്നു.
