എടപ്പാള്: മൃതദേഹത്തില്നിന്ന് സ്വര്ണാഭരണം മോഷ്ടിച്ച സംഭവത്തില് ദമ്പതികള് അറസ്റ്റില്. വട്ടംകുളം സ്വദേശികളായ നെട്ടത്ത് വളപ്പില് ലിയാക്കത്ത് (47) ഭാര്യ സുഹറ (39) എന്നിവരെയാണ് ചങ്ങരംകുളം പൊലീസ് അറസ്റ്റ് ചെയ്തത്.
ഒക്ടോബര് മൂന്നിന് എടപ്പാളിലെ സ്വകാര്യ ആശുപത്രിയിലാണ് കേസിനാസ്പദമായ സംഭവം. മാറഞ്ചേരി വടമുക്ക് സ്വദേശിയായ 35 വയസ്സുള്ള യുവതി ഹൃദയാഘാതത്തെ തുടര്ന്ന് ആശുപത്രിയില് മരിച്ചിരുന്നു. മരണസമയത്ത് ബന്ധുക്കള്ക്കൊപ്പം സഹായത്തിനെന്ന പേരില് ഒപ്പംകൂടിയ സുഹറയാണ് ഭര്ത്താവിന്റെ അറിവോടെ
യുവതിയുടെ കൈയിലെ ഒന്നര പവന്റെ ആഭരണം മോഷ്ടിച്ച് കടന്നുകളഞ്ഞത്.