ന്യൂഡല്ഹി: മഹാരാഷ്ട്രയിലെ രാഷ്ട്രീയ നീക്കങ്ങളില് അമ്പരന്ന് കോണ്ഗ്രസ്. വെള്ളിയാഴ്ച രാത്രി വൈകിയും ശിവസേന- എന്സിപി- കോണ്ഗ്രസ് സഖ്യം സര്ക്കാര് രൂപീകരണത്തിനുള്ള അന്തിമ ചര്ച്ചകളിലായിരുന്നു. മണിക്കൂറുകളുടെ മാത്രം വ്യത്യാസത്തില് സംസ്ഥാനത്ത് നടന്നത് രാജ്യംകണ്ട ഏറ്റവും വലിയ നാടകീയ നീക്കങ്ങളിലൊന്നായിരുന്നു. സംഭവം ശരദ് പവാര് അറിഞ്ഞു തന്നെയാണെന്ന് സംശയിക്കുന്നുവെന്ന് എഐസിസി ജനറല് സെക്രട്ടറി കെ.സി. വേണുഗോപാല് പറഞ്ഞു. മഹാരാഷ്ട്രയില് നടന്നത് രാഷ്ട്രീയ ചരിത്രത്തിലെ തന്നെ വന് ചതിയാണെന്നും അദ്ദേഹം പ്രതികരിച്ചു. ഇന്ന് ഉച്ചയ്ക്ക് മൂന്ന് പാര്ട്ടികളും തമ്മില് സര്ക്കാര് രൂപീകരണത്തിന് അന്തിമ രൂപം നല്കാന് ചര്ച്ചകള് വച്ചിരുന്നതാണെന്നും അദ്ദേഹം വ്യക്തമാക്കി.
മഹാരാഷ്ട്രയിലേത് രാഷ്ട്രീയത്തിലെ ഏറ്റവും വലിയ ചതിയെന്ന് കോണ്ഗ്രസ്
By
November 23, 2019 10:41 am