തിരുവനന്തപുരം: ശബരിമലയില് യുവതീപ്രവേശനത്തില് പുന:പരിശോധന ഹര്ജിയില് നാളെ വിധി വരാനിരിക്കെ വിധി എന്തായാലും അത് കേരളം ഒറ്റക്കെട്ടായി അംഗീകരിക്കണമെന്ന് സിപിഎം. സുപ്രീംകോടതി വിധി എന്തായാലും അംഗീകരിച്ച് നടപ്പാക്കാനുള്ള ഉത്തരവാദിത്വം സര്ക്കാരിനും രാഷ്ട്രീയ പ്രസ്ഥാനങ്ങള്ക്കുമുണ്ടെന്ന് സിപിഎം സംസ്ഥാന കമ്മിറ്റി അംഗം കെ അനന്തഗോപന് പറഞ്ഞു.
സിപിഎം എക്കാലത്തും വിശ്വാസികളുടെ പാരമ്പര്യങ്ങള്ക്ക് എതിരല്ല. എന്നാല്, അനാചാരങ്ങള്ക്കും അന്തവിശ്വാസങ്ങള്ക്കും എതിരാണെന്നും അനന്തഗോപന് കൂട്ടിച്ചേര്ത്തു. ശബരിമല യുവതി പ്രവേശന വിധി വന്ന് ഒരു വര്ഷത്തിലേറെ കഴിഞ്ഞാണ് പുന:പരിശോധനാ ഹര്ജികളില് വിധി വരുന്നത്.