കാലിഫോര്‍ണിയ: ലോസ് ആഞ്ചല്‍സില്‍ യുവതിയെ പീഡിപ്പിച്ച്‌ മരുഭൂമിയില്‍ മരിക്കാന്‍ ഉപേക്ഷിച്ച അച്ഛനെയും മകളെയും പോലീസ് അറസ്റ്റ് ചെയ്തു . ലാസ് വേഗസില്‍നിന്നു തോക്കുചൂണ്ടി തട്ടിക്കൊണ്ടുപോയ യുവതിയെ ലോസ് ആഞ്ചല്‍സിലെ മരുഭൂമിയില്‍ ഉപേക്ഷിച്ച നിലയില്‍ കണ്ടെത്തുകയായിരുന്നു .
സംഭവുമായി ബന്ധപ്പെട്ട് കാലിഫോര്‍ണിയയിലെ പാംഡേല്‍ സ്വദേശി സ്റ്റാന്‍ലി ആല്‍ഫ്രഡ് ലോട്ടന്‍ (54), മകള്‍ ഷനിയ നിക്കോള്‍ പോച്ച്‌ ലോട്ടന്‍ (22) എന്നിവരാണ് കൗണ്ടി പോലീസിന്റെ പിടിയിലായത് .
നെവാഡ സംസ്ഥാനത്തുനിന്നു തട്ടിക്കൊണ്ടുപോയ യുവതിയെ മറ്റൊരു സംസ്ഥാനത്ത് എത്തിച്ച്‌ പ്രതികള്‍ തടവില്‍ സൂക്ഷിച്ചു . പിന്നീട് ഇവരെ മരുഭൂമിയില്‍ ഉപേക്ഷിക്കുകയായിരുന്നു. പണം തട്ടിയെടുക്കലായിരുന്നു പ്രതികളുടെ ലക്ഷ്യം.യുവതി നിരവധി തവണ ബലാത്സംഗത്തിന് ഇരയായെന്നും കൗണ്ടി പോലീസ് പറയുന്നു.
