തിരുവനന്തപുരം: സംസ്ഥാനത്തെ സ്കൂളുകളിൽ മൊബൈൽ ഉപയോഗം നിരോധിച്ചു. ജോലി സമയത്ത് അധ്യാപകരും സോഷ്യൽ മീഡിയ ഉപയോഗിക്കാൻ പാടില്ലെന്നാണ് പൊതുവിദ്യാഭ്യാസ വകുപ്പ് പുറത്തിറക്കിയ ഉത്തരവിൽ വ്യക്തമാക്കുന്നത്. വിദ്യാര്ഥികള് മൊബൈല് ഉപയോഗിക്കുന്നത് വിലക്കി പൊതു വിദ്യാഭ്യാസ വകുപ്പ് നേരത്തെയും സര്ക്കുലര് ഇറക്കിയിരുന്നു. എന്നാല് ഇത് കര്ശനമായി പാലിക്കപ്പെടാത്തതിനാലാണ് വീണ്ടും പുതിയ സര്ക്കുലര് ഇറക്കിയതെന്ന് പൊതുവിദ്യാഭ്യാസ ഡയറക്ടര് വ്യക്തമാക്കി.
സര്ക്കുലര് കര്ശനമായി നടപ്പാക്കാന് പ്രഥമാധ്യാപകരും വിദ്യാഭ്യാസ ഓഫീസര്മാരും ശ്രദ്ധിക്കണമെന്നും സര്ക്കുലര് നിര്ദ്ദേശിക്കുന്നു. വിദ്യാര്ഥികള് മൊബൈല് ഫോണ് ഉപയോഗിക്കാന് പാടില്ലെന്നു നിര്ദ്ദേശിക്കുന്ന സര്ക്കുലറില് തന്നായാണ് ക്ലാസ് സമയത്ത് അധ്യാപകര് വാട്സാപ്, ഫേസ്ബുക്ക് തുടങ്ങിയ സമൂഹമാധ്യമങ്ങള് ഉപയോഗിക്കരുതെന്നും നിര്ദ്ദേശിച്ചിരിക്കുന്നത്.