പാരീസ്: ഇന്ത്യയുടെ സാത്വിക് സായ്രാജ്-ചിരാഗ് ഷെട്ടി കൂട്ടുകെട്ട് യോനക്സ് ഫ്രഞ്ച് ഓപ്പണ്‍ ബാഡ്മിന്‍റണ്‍ പുരുഷ ഡബിള്‍സ് ഫൈനലില്‍ കടന്നു. അഞ്ചാം സീഡും എട്ടാം റാങ്കുകാരുമായ ജപ്പാനീസ് ജോഡിയെ അട്ടിമറിച്ചാണ് ഇന്ത്യന്‍ കൂട്ടുകെട്ടിന്‍റെ കുതിപ്പ്.
നേരിട്ടുള്ള ഗെയിമുകളിലാണ് യുട്ട വാട്ടമാവെ-ഹിരോയൂക്കി എന്‍ഡോ ജോഡി പരാജയപ്പെട്ടത്. സ്കോര്‍: 21-11, 25-23. മത്സരം 50 മിനിറ്റ് മാത്രമാണു നീണ്ടത്. ടോപ് സീഡും ഒന്നാം റാങ്കുമായ മാര്‍കസ് ഫെര്‍നാള്‍ഡി ഗിഡോണ്‍-കെവിന്‍ സഞ്ജയ സുകാമുല്‍ജോ സഖ്യത്തെയാണ് ഇന്ത്യന്‍ ജോഡി ഫൈനലില്‍ നേരിടേണ്ടത്. സാത്വിക്-ചിരാഗ് സഖ്യത്തിന്‍റെ ഈ വര്‍ഷത്തെ രണ്ടാം ഫൈനലാണിത്.
