കോട്ടയം: ബിഷപ്പ് ഫ്രാങ്കോ മുളയ്ക്കലിനെതിരെ സമരം ചെയ്ത സിസ്റ്റര് ലൂസി കളപ്പുരയ്ക്കെതിരെ വീണ്ടും ഭീഷണിയുമായി സഭ. സഭാ അധികൃതര്ക്കെതിരെ നല്കിയ പരാതികള് പിന്വലിക്കണമെന്ന് ആവശ്യപ്പെട്ട് സിസ്റ്റര് ലൂസിക്ക് സഭാനേതൃത്വം കത്തയച്ചു. എഫ്സിസി സുപ്പീരിയര് ജനറല് ആന് ജോസഫാണ് കത്ത് അയച്ചിരിക്കുന്നത്. ബിഷപ്പ് ഫ്രാങ്കോ മുളയ്ക്കല് കന്യാസ്ത്രീയെ ബലാത്സംഗം ചെയ്ത കേസില് ഇരയ്ക്ക് നീതി തേടി കൊച്ചി വഞ്ചി സ്ക്വയറില് നടത്തിയ സമരത്തില് പങ്കെടുത്ത് തന്റെ അഭിപ്രായം തുറന്നു പറഞ്ഞ ശേഷമാണ് സിസ്റ്റര് ലൂസിക്കെതിരെ ഭീഷണി ഉയര്ന്നിരിക്കുന്നത്. അപ്പീല് തള്ളിയ സാഹചര്യത്തില് സഭയില് നിന്ന് പുറത്തുപോകുകയോ അല്ലെങ്കില് സഭയ്ക്ക് എതിരെ ഉന്നയിച്ച ആരോപണങ്ങള്, രണ്ട് പോലീസ് പരാതികള് തുടങ്ങിയവ പിന്വലിച്ച് മാപ്പുപറഞ്ഞ് അത് മാധ്യമങ്ങള്ക്ക് പ്രസിദ്ധീകരിക്കാന് നല്കണമെന്നാണ് കത്തില് ആവശ്യപ്പെട്ടിരിക്കുന്നത്. പരാതികള് പിന്വലിച്ചില്ലെങ്കില് നിയമനടപടി സ്വീകരിക്കുമെന്നും കത്തില് മുന്നറിയിപ്പ് നല്കിയിട്ടുണ്ട്.
പരാതികള് പിന്വലിച്ചില്ലെങ്കില് നിയമനടപടി; സിസ്റ്റര് ലൂസി കളപ്പുരയ്ക്കെതിരെ വീണ്ടും ഭീഷണിയുമായി സഭ
By
October 18, 2019 9:31 am