മഞ്ഞു നിറഞ്ഞ പാക്കറ്റു മലനിരകളിലേക്ക് വെളുത്ത കുതിരപ്പുറത്തേറി യാത്ര ചെയ്ത് കിം ജോങ് ഉൻ. കൊറിയയുടെ ഔദ്യോഗിക വാർത്താ ഏജൻസിയാണ് ഇതിന്റെ ചിത്രങ്ങൾ പുറത്ത് വിട്ടത്. ഏറെ രാഷ്ട്രീയപ്രാധാന്യമുള്ളതാണ് കിമ്മിന്റെ മഞ്ഞുമലകളിലേക്കുള്ള യാത്ര.
യാത്രക്ക് പിന്നാലെ ലോകത്തെ അദ്ഭുതപ്പെടുത്തുന്ന ഒരു ഓപ്പറേഷൻ കൂടിയുണ്ടാവുമെന്നും കൊറിയൻ വാർത്താ ഏജൻസി വ്യക്തമാക്കുന്നു. എന്നാൽ, ഇതിനെ കുറിച്ചുള്ള സൂചനകളൊന്നും നൽകുന്നുമില്ല. 2017ലും അദ്ദേഹം പാക്കറ്റു സന്ദർശിച്ചിരുന്നു. തുടർന്ന് ഉത്തരകൊറിയ ബാലിസ്റ്റിക് മിസൈലിന്റെ പരീക്ഷണം നടത്തുകയും ചെയ്തിരുന്നു.
കൊറിയൻ സാമ്രാജ്യം സ്ഥാപിച്ചുവെന്ന് വിശ്വസിക്കപ്പെടുന്ന ഡാൻഗണിന്റെ ജന്മദേശമായി അറിയിപ്പെടുന്ന പ്രദേശമാണ് പാക്കറ്റുമലനിരകൾ. ഇപ്പോഴും സജീവമായൊരു അഗ്നിപർവതവും ഇവിടെ സ്ഥിതി ചെയ്യുന്നുണ്ട്.