വടകര: കൂടത്തായി കൂട്ടകൊലപാതക കേസുമായി ബന്ധപ്പെട്ട് അന്വേഷണം കോയമ്പത്തൂരിലേക്കും നീങ്ങാന് സാധ്യത. പ്രതി ജോളിയുടെ കോയമ്പത്തൂര് യാത്രകളുടെ വിശദാംശങ്ങളാണ് പോലീസ് അന്വേഷിക്കുക. ജോളിയുടെ കഴിഞ്ഞ 6 മാസത്തെ മൊബൈല് ടവര് ലൊക്കേഷന് പരിശോധിച്ചതില് നിന്നാണ് ഇവര് നിരന്തരം കോയമ്പത്തൂര് സന്ദര്ശിച്ച കാര്യം അന്വേഷണ ഉദ്യോഗസ്ഥരുടെ ശ്രദ്ധയില്പ്പെടുന്നത്. സെപ്തംബര് രണ്ടാമത്തെ ആഴ്ചയിലെ ഓണം അവധി ദിവസങ്ങളിലും രണ്ട് ദിവസം ജോളി കോയമ്പത്തൂരിലുണ്ടായിരുന്നു എന്നാണ് അന്വേഷണസംഘം നല്കുന്ന വിവരം. കൂടത്തായി കേസിനെപ്പറ്റി പൊലീസ് പ്രാഥമിക അന്വേഷണം തുടങ്ങിയ സമയത്തും ജോളി കോയമ്പത്തൂരിലെത്തിയെന്നും സൂചനയുണ്ട്.
ഓണക്കാലത്ത് അമ്മ വീട്ടില് ഇല്ലായിരുന്നുവെന്നും കട്ടപ്പനയിലെ സ്വന്തം ബന്ധുക്കളുടെ അടുത്തേക്ക് പോകുകയാണെന്നാണ് പറഞ്ഞതെന്നുമായിരുന്നു നേരത്തെ ജോളിയുടെ മകന് റോജോ പൊലീസിന് നല്കിയിരുന്ന മൊഴി. എന്നാല് കട്ടപ്പനയില് രണ്ട് ദിവസം മാത്രമേ ജോളിയുണ്ടായിരുന്നുള്ളൂവെന്നും അതിനു ശേഷം കോയമ്പത്തൂരിലേക്ക് പോയെന്നുമാണ് മൊബൈല് ടവര് ലോക്കേഷനില് നിന്നും വ്യക്തമാവുന്നത്.
![](https://keralavisiontv.com/wp-content/uploads/2018/04/logo-1.jpg)