ന്യൂയോര്ക്ക്: ശക്തമായ ചുഴലിക്കാറ്റില് വെള്ളവും ഭക്ഷണവുമില്ലാതെ പട്ടിക്കുട്ടി കെട്ടിടത്തിനടിയില് കിടന്നത് ഒരു മാസം. ഒടുവില് അത്ഭുതകരമായി രക്ഷപ്പെട്ടു. കഴിഞ്ഞ മാസം അമേരിക്കയിയില് വീശിയടിച്ച ഡോറിയന് ചുഴലിക്കാറ്റില് തകര്ന്ന കെട്ടിടത്തിനടിയില്പ്പെടുകയായിരുന്നു. ചുഴലിക്കാറ്റില് 50 പേര് മരിച്ചിരുന്നു. മരിച്ചവരുടെ മൃതദേഹം കണ്ടെത്താന് നടത്തിയ തിരച്ചിലിനൊടുവിലാണ് എല്ലും തോലുമായ നായ്ക്കുട്ടിയെ കണ്ടെത്തിയത്.
ഏകദേശം അര മൈല് ദൂരം ഇഴഞ്ഞുനീങ്ങി, ഓക്സിജന് സിലിണ്ടര് സഹായത്തോടെ വന് സന്നാഹവുമായി നായ്ക്കുട്ടിയെ രക്ഷപ്പെടുത്തുകയായിരുന്നു. അപകടം നടന്ന സ്ഥലത്ത് നിന്ന് ശുദ്ധവായു പോലും ലഭിക്കാത്ത, ഇലക്ട്രോണിക് സാധനങ്ങള് അടിഞ്ഞുകൂടിയ അപകടകരമായ ഇടത്തില് ഒരുവയസ്സ് മാത്രമുള്ള നായ്ക്കുട്ടിയെ കണ്ടെത്തിയത്. ഇത് അത്ഭുത സംഭവം തന്നെയാണെന്ന് രക്ഷാപ്രവര്ത്തകര് പറഞ്ഞു. പട്ടിണികിടന്ന് ക്ഷീണിച്ചിട്ടുണ്ടെങ്കിലും മറ്റ് ആരോഗ്യപ്രശ്നങ്ങളൊന്നും പട്ടിക്കുട്ടിക്ക് ഇല്ല. ചികിത്സക്കായി ആശുപത്രിയിലേക്ക് പട്ടിക്കുട്ടിയെ മാറ്റി.