കൊച്ചി: മരടിലെ ഫ്ളാറ്റുകളില്‍ നിന്ന് താമസക്കാര്‍ക്ക് ഒഴിഞ്ഞു പോകാനുള്ള സമയപരിധി ഇന്ന് അവസാനിക്കും. ഉടമകള്‍ പതിനഞ്ച് ദിവസം അധികം ആവശ്യപ്പെട്ടെങ്കിലും ഒഴിപ്പിക്കല്‍ നടപടിയുമായി മുന്നോട്ടു പോകാന്‍ തന്നെയാണ് നഗരസഭയുടെ തീരുമാനം. എന്നാല്‍ പകരം താമസസൗകര്യം ലഭ്യമാവാത്തതിനാല്‍ ഒഴിഞ്ഞു പോകില്ലെന്ന നിലപാട് ആവര്‍ത്തിക്കുകയാണ് ഫ്ളാറ്റുടമകള്‍. പകുതിയിലേറെ താമസക്കാര്‍ ഇപ്പോഴും ഫ്ളാറ്റുകളിലുണ്ട്. എന്നാല്‍ അനുവദിച്ച സമയം നീട്ടാനാകില്ല എന്ന നിലപാടില്‍ ഉറച്ച്‌ നില്‍ക്കുകയാണ് നഗരസഭ.
