കടുത്തുരുത്തി: ഫെയ്സ്ബുക്കിലൂടെ പരിചയപ്പെട്ട സ്വകാര്യ ആശുപത്രിയിലെ ജീവനക്കാരിയായ യുവതിയുടെ ചിത്രങ്ങൾ നവമാധ്യമങ്ങളിലൂടെ പ്രചരിപ്പിച്ച യുവാവ് പോലീസ് പിടിയിൽ.
സംഭവം സംബന്ധിച്ച് പോലീസ് പറയുന്നതിങ്ങനെ: യുവതിയുമായി ഏതാനും മാസം മുമ്പാണ് യുവാവ് ഫെയ്സ്ബുക്കിലൂടെ പരിചയപ്പെട്ടത്. പിന്നീട് ഇരുവരും പ്രണയത്തിലായി. വെൽഡിങ് ജോലികൾ ചെയ്യുന്നയാളാണ് യുവാവ്. ഇതിനിടെ വാട്ട്സാപ്പ് വഴി യുവതിയുടെ സ്വകാര്യചിത്രങ്ങൾ സ്വന്തമാക്കിയ യുവാവ് ഇവ നവമാധ്യമങ്ങളിലൂടെ സുഹൃത്തുക്കൾക്ക് അയച്ചുകൊടുത്തു. കൊല്ലം തഴവ കല്ലുവിളയിൽ നജീം ആണ് കടുത്തുരുത്തി പോലീസിന്റെ പിടിയിലായത്.