ഇടുക്കി: കസ്റ്റഡിയിലിരിക്കെ മരിച്ച രാജ്കുമാറിനെ അതിക്രൂരമായി പീഡിപ്പിച്ചെന്ന് ക്രൈംബ്രാഞ്ചിന്റെ കണ്ടെത്തല്. മദ്യ
ലഹരിയിലായിരുന്ന ഉദ്യോഗസ്ഥര് സ്റ്റേഷന് പുറത്തെ തോട്ടത്തില് നിന്നുള്ള കാന്താരി മുളക് രാജ്കുമാറിന്റെ സ്വകാര്യ ഭാഗങ്ങളില് തേച്ചു. ചോദ്യം ചെയ്യലിനിടെ തെറ്റായ വിവരങ്ങള് നല്കിയതാണ് പ്രകോപിപ്പിച്ചത്.
12ന് കസ്റ്റഡിയിലെടുത്ത ശേഷം നാല് ദിവസത്തോളം രാജ്കുമാറിനെ ഉറങ്ങാന് പോലും അനുവദിച്ചില്ല. മദ്യപിച്ചെത്തിയ പോലീസ് രാത്രിയും പുലര്ച്ചെയുമായിട്ടാണ് ചോദ്യം ചെയ്തിരുന്നത്. ആരോപണ വിധേയരായ പോലീസുകാരുടെ മൊഴിയെടുപ്പോഴാണ് മൂന്നാംമുറയുടെ വിവരങ്ങള് ലഭിച്ചത്.