ന്യൂഡല്ഹി: സംഘര്ഷം വ്യാപകമായതിനെ തുടര്ന്ന് വടക്ക് കിഴക്കന് ഡല്ഹിയിലെ സ്കൂളുകള്ക്ക് ചൊവ്വാഴ്ച അവധി പ്രഖ്യാപിച്ചു. ഇതു സംബന്ധിച്ച് ഡല്ഹി ഉപമുഖ്യമന്ത്രി മനീഷ് സിസോദിയ ട്വീറ്റ് ചെയ്തു. ചൊവ്വാഴ്ചത്തെ പരീക്ഷകളും മാറ്റിവച്ചിട്ടുണ്ട്.
അതേസമയം കലാപത്തിന് പ്രേരിപ്പിക്കുന്ന ദൃശ്യങ്ങളോ ചിത്രങ്ങളോ നല്കരുതെന്ന് മാധ്യമങ്ങളോട് ഡല്ഹി പോലീസ് അഭ്യര്ഥിച്ചു. സംഘര്ഷത്തില് ഇതുവരെ ഒരു പോലീസുകാരനും മൂന്ന് നാട്ടുകാരും ഉള്പ്പെടെ നാല് പേരാണ് മരിച്ചത്. കര്ദ്ദംപുരിലും ഭജന്പുരയിലുമാണ് ഇപ്പോള് വ്യാപകമായി സംഘര്ഷം അരങ്ങേറുന്നത്. നിരവധി വാഹനങ്ങള്ക്കാണ് പ്രതിഷേധക്കാര് തീയിട്ടത്.