ന്യൂഡല്‍ഹി: പ്രധാനമന്ത്രി നരേന്ദ്ര മോദിക്കെതിരെ രൂക്ഷ വിമര്‍ശനവുമായി ജമ്മു കാഷ്മീര്‍ മുന്‍ മുഖ്യമന്ത്രിയും പിഡിപി നേതാവുമായ മെഹബൂബ മുഫ്തിയുടെ മകള്‍ ഇല്‍ത്തിജ മുഫ്തി. ഡല്‍ഹി കത്തിയെരിയുമ്പോഴും 80 ലക്ഷം കാഷ്മീരികള്‍ അടിസ്ഥാന അവകാശങ്ങള്‍ക്കുവേണ്ടി പോരാടുമ്പോഴുമാണ്‌ ഇവിടെ നമസ്തേ ട്രംപ് പോലുള്ള പരിപാടികള്‍ അരങ്ങേറുന്നന്നതെന്ന്‌ ഇല്‍ത്തിജ ട്വിറ്ററില്‍ കുറിച്ചു. വിദേശ പ്രമുഖര്‍ സബര്‍മതി ആശ്രമം സന്ദര്‍ശിക്കാനെത്തുമ്പോള്‍ മാത്രമാണ് ചിലര്‍ മഹാത്മാ ഗാന്ധിയെ ഓര്‍മ്മിക്കാറുള്ളത്. അല്ലാത്തപ്പോള്‍ അദ്ദേഹത്തിന്റെ മൂല്യങ്ങളെ മറക്കുന്നുവെന്നും ഇല്‍ത്തിജ ട്വിറ്ററില്‍ കുറിച്ചു.
