ഡല്ഹി : ഹിന്ദിയേക്കാളും ഹിന്ദുവിനേക്കാളും ഹിന്ദുത്വയേക്കാളും ഉയര്ന്നതാണ് ഇന്ത്യയെന്ന് അസദുദ്ദിന് ഒവൈസി. രാജ്യത്തെ ഒന്നായി നിലനിര്ത്താന് ഹിന്ദി ഭാഷയ്ക്ക് സാധിക്കുമെന്നും മാതൃഭാഷയ്ക്കൊപ്പം ഹിന്ദി ഉപയോഗിക്കുന്നത് വര്ധിപ്പിക്കണമെന്നും അമിത് ഷാ പറഞ്ഞതിന് പിന്നാലെയാണ് ഒവൈസിയുടെ പ്രതികരണം.
എല്ലാ ഇന്ത്യക്കാരുടേയും മാത്യഭാഷ ഹിന്ദിയല്ല. ഈ രാജ്യത്തിന്റെ നാനാത്വത്തിന്റെ മനോഹാരിതയെ അഭിനന്ദിക്കാന് നിങ്ങള്ക്ക് കഴിയുമോയെന്ന് ഒവൈസി ചോദിക്കുന്നു. ഭരണ ഘടനയിലെ അനുഛേദം 29 ഏതൊരു പൗരനും ഭാഷയും സംസ്കാരവും ഉറപ്പു നല്കുന്നുണ്ടെന്നും ഒവൈസി കൂട്ടിച്ചേര്ത്തു.