കൊച്ചി: മഹാരാജാസ് കോളേജ് വിദ്യാര്ത്ഥിയും എസ്എഫ്ഐ നേതാവുമായ അഭിമന്യുവിനെ കൊലപ്പെടുത്തിയ കേസില് പ്രതികളായ രണ്ട് പേര്ക്ക് ജാമ്യം അനുവദിച്ചു.
നാലാം പ്രതിയായ ബിലാല് സജി, അഞ്ചാം പ്രതി ഫറൂഖ് അമാനി എന്നിവര്ക്കാണ് ഹൈക്കോടതി ജാമ്യം അനുവദിച്ചത്. എന്നാല് മൂന്നാം പ്രതി റിയാസ് ഹുസൈന്റെ ജാമ്യാപേക്ഷ ഹൈക്കോടതി തള്ളി.
അഭിമന്യു വധക്കേസില് വിചാരണ ഫെബ്രുവരി നാലിന് തുടങ്ങും. പതിനാറ് പേരുടെ വിചാരണയാണ് ആദ്യം തുടങ്ങുന്നത്. കേസില് ഒന്നാംപ്രതിയടക്കം ഏഴ് പേര് ഇനിയും പിടിയിലാകാനുണ്ട്. ഇവരുടെ വിചാരണ പിന്നീട് നടക്കും.
ജാമ്യം ലഭിച്ച പ്രതികളടക്കമുള്ളവരോട് അടുത്ത മാസം നാലിന് ഹാജരാകാന് എറണാകുളം പ്രിന്സിപ്പല് സെഷന്സ് കോടതി ആവശ്യപ്പെട്ടിട്ടുണ്ട്.