ഇന്ത്യന് സിനിമയിലെ ഇതിഹാസമായ ബാഹുബലിയിലെ വില്ലന് ബല്ലാല്ദേവ റാണ ദഗുബാട്ടി വീണ്ടും ഹിറ്റുകളുടെ തിരക്കിലേക്ക്. റാണയുടെ അടുത്തിടെ ഇറങ്ങിയ ചിത്രം ‘നേനേ രാജു നേനേ മന്ത്രി’ തെലുങ്കില് വന് ഹിറ്റായിരുന്നു. ചിത്രം തമിഴിലേക്ക് മൊഴിമാറ്റിയെത്തിയപ്പോഴും പ്രേക്ഷകപ്രീതി നേടിയിരുന്നു.
നിലവില് തന്റെ പുതിയ തെലുങ്ക് സിനിമയായ ‘മാടൈ തിരന്തു’വിന്റെ ചിത്രീകരണത്തിന്റെ തിരക്കിലാണ് ദഗുബാട്ടി. കൊച്ചിയിലാണ് ചിത്രീകരണം നടക്കുന്നത്. സത്യശിവ സംവിധാനം ചെയ്യുന്ന ഈ ദ്വിഭാഷാ ചിത്രത്തില് നാസര്, ആര്ജെ ബാലാജി തുടങ്ങിയവരും പ്രധാനവേഷങ്ങല് എത്തുന്നു. സത്യരാജും ചിത്രത്തിലുണ്ട് എന്നതാണ് മറ്റൊരു പ്രത്യേകത. ബാഹുബലിയിലെ പ്രധാനകഥാപാത്രങ്ങളെ അവതരിപ്പിച്ച റാണ ദഗുബാട്ടി, സത്യരാജ്, നാസര് എന്നിവര് വീണ്ടും ഒന്നിക്കുകയാണ് ഈ ചിത്രത്തിലൂടെ. ചിത്രത്തിന് സംഗീതം നിര്വ്വഹിക്കുന്നത് യുവാന് ശങ്കര് രാജയാണ്.