തിരുവനന്തപുരം: കെഎസ്ഇബിയുടെ വൈദ്യുതി പോസ്റ്റുകൾ റിലയൻസ് ജിയോക്ക് അനുവദിക്കാനുള്ള നീക്കത്തിനെതിരെ ശക്തമായ ആരോപണം. സംസ്ഥാന സർക്കാരിന്റെ കെ-ഫോണ് പദ്ധതി അട്ടിമറിക്കാനാണ് ഈ നീക്കമെന്ന് ചൂണ്ടിക്കാട്ടി ഭരണ പ്രതിപക്ഷ യൂണിയനുകൾ രംഗത്തെത്തി. അതേസമയം, ഇക്കാര്യത്തിൽ അന്തിമ തീരുമാനം കൈക്കൊള്ളേണ്ടത് സർക്കാരാണെന്നാണ് കെഎസ്ഇബി നിലപാട് അറിയിച്ചിരിക്കുന്നത്.
ഫൈബർ ടു ഹോം പദ്ധതിക്ക് അഞ്ചുലക്ഷം പോസ്റ്റുകൾ ആവശ്യപ്പെട്ട് ജിയോ കെഎസ്ഇബിക്ക് കത്തു നൽകിയിരുന്നു. ഇതിനു പിന്നാലെ സാധ്യതാ പഠനം നടത്താൻ എല്ലാ സെക്ഷൻ ഓഫീസുകൾക്കും കെഎസ്ഇബി നിർദേശം നൽകിയിരുന്നു. നിലവില് കെഎസ്ഇബിയുടെ പോസ്റ്റ് ചെറുകിട കേബിള് ഓപ്പറേറ്റേര്മാര്ക്കുള്പ്പെടെ വാടകയ്ക്ക് നല്കിയിരിക്കുകയാണ്. ഇവരെ ഒഴിവാക്കിയാണ് റിലയന്സിനു വാടകയ്ക്ക് നല്കാന് നീക്കം നടക്കുന്നത്.
വൈദ്യുത പോസ്റ്റുകളിൽ റിലയൻസ് ജിയോയുടെ കേബിൾ വലിക്കാനുള്ള നീക്കം വിവാദത്തിൽ;എതിർപ്പുമായി ഭരണ പ്രതിപക്ഷ യൂണിയനുകൾ
By
August 30, 2019 11:57 am