മംഗളൂരു: കഫേ കോഫി ഡേ സ്ഥാപകനും കര്ണാടക മുന് മുഖ്യമന്ത്രി എസ് എം കൃഷ്ണയുടെ മരുമകനുമായ സിദ്ധാര്ത്ഥ രണ്ട് ദിവസം മുമ്പ് ജീവനക്കാര്ക്ക് അയച്ച കത്ത് പുറത്തുവന്നു. സംരംഭകന് എന്ന നിലയില് പരാജയപ്പെട്ടുവെന്നാണ് സിദ്ധാര്ത്ഥയുടെ കത്തില് പറയുന്നത്. ആദായ നികുതി വകുപ്പില് നിന്ന് വലിയ സമ്മര്ദ്ദം ഉണ്ടായിയെന്നും കമ്പനിയെ ലാഭത്തിലാക്കാന് കഴിഞ്ഞില്ലെന്നും കത്തില് പരാമര്ശിക്കുന്നുണ്ട്. ഇനിയും ഇങ്ങനെ തുടരാനാകില്ലെന്നും സിദ്ധാര്ത്ഥയുടെ കത്തില് പറയുന്നു.
അതേസമയം സിദ്ധാര്ത്ഥയ്ക്കായി ഇന്നലെ രാത്രി തുടങ്ങിയ തിരച്ചില് ഇപ്പോഴും തുടരുകയാണ്.