മലപ്പുറം: സിപിഐയുമായി ഭാവിയില് കൂട്ടുകൂടാന് സാധിക്കുമെന്നാണ് പ്രതീക്ഷയെന്ന് കെപിസിസി അധ്യക്ഷന് മുല്ലപ്പള്ളി രാമചന്ദ്രന്. എല്ല് പൊട്ടിയോ ഇല്ലയോ എന്നതിനെക്കുറിച്ച് മാത്രം ചര്ച്ച ചെയ്യുന്ന പാര്ട്ടിയായി സിപിഎം മാറിയെന്നും മുല്ലപ്പള്ളി രാമചന്ദ്രന് വിമര്ശിച്ചു. മലപ്പുറം ഡിസിസി സംഘടിപ്പിച്ച ജില്ലാ നേതൃക്യാംപ് ഉദ്ഘാടനം ചെയ്തു സംസാരിക്കുമ്പോള് ആണ് മുല്ലപ്പള്ളി രാമചന്ദ്രന് ഇക്കാര്യം പറഞ്ഞത്.
സിപിഐ ഞങ്ങള്ക്കൊപ്പമുണ്ടായിരുന്ന ഒരു കാലഘട്ടമുണ്ടായിരുന്നു. അവര്ക്കൊപ്പം ഞങ്ങള് ഭരിച്ച ഒരു കാലമുണ്ടായിരുന്നു. അതെല്ലാം മനസ്സില് വച്ചാണ് ഞാനിത് പറയുന്നത്. ഒരുപാട് നല്ല നേതാക്കളുള്ള പാര്ട്ടിയാണ് സിപിഐ. അവര്ക്ക് പ്രവര്ത്തിക്കാനുള്ള അവസരം യുഡിഎഫില് എന്നുമുണ്ട്. സിപിഎമ്മിനുണ്ടായ അധപതനത്തില് ഇടതുപക്ഷത്തെ നല്ല മനസുകള് ആശങ്കയിലാണെന്നും മുല്ലപ്പള്ളി പറഞ്ഞു.