ഹൽസി: വിവാഹ ആഘോഷം നടക്കുന്ന സ്ഥലത്തേക്ക് ട്രക്ക് പാഞ്ഞുകയറി രണ്ട് കുട്ടികൾ ഉൾപ്പെടെ എട്ടു പേർ മരിച്ചു. ആറു പേർക്ക് പരിക്കേൽക്കുകയും ചെയ്തു. ബിഹാറിൽ ലഖിസരായയിലെ ഹൽസിയിൽ പുലർച്ചെ രണ്ടോടെയായിരുന്നു അപകടം.
വിവാഹവീട്ടിൽ പാട്ടും നൃത്തവുമായി ആഘോഷം നടക്കുമ്പോഴായിരുന്നു ട്രക്ക് നിയന്ത്രണംവിട്ട് ഇടിച്ചുകയറിയത്. വഴിയരികിലെ വേദിയിലാണ് ആഘോഷപരിപാടികൾ നടന്നത്. അപകടത്തിനു ശേഷം ട്രക്ക് ഡ്രൈവർ വാഹനം വഴിയരികിൽ നിർത്തിയ ശേഷം കടന്നുകളഞ്ഞു. സംഭവത്തിൽ പ്രതിഷേധിച്ച് നാട്ടുകാർ റോഡ് തടഞ്ഞു
