മരണാനന്തരം തനിക്ക് ആദരവ് വേണ്ടെന്ന് എഴുത്തുകാരി സുഗതകുമാരി. മരണശേഷം ഒരു പൂവും എന്റെ ദേഹത്ത് വെക്കരുത്. സര്ക്കാരിന്റെ ഔദ്യോഗിക ബഹുമതിയും വേണ്ട. മതപരമായ വലിയ ചടങ്ങുകളും വേണ്ട. ആരെയും കാത്ത് നില്ക്കാതെ എത്രയും വേഗം ശാന്തികവാടത്തില് ദഹിപ്പിക്കണം.
അടുത്തിടെയാണ് രണ്ടാമത്തെ ഹൃദയാഘാതം ഉണ്ടായത്. പേസ്മേക്കറിന്റെ സഹായത്തോടെയാണ് ഹൃദയമിടിപ്പ്. ജീവിച്ചിരുന്നപ്പോള് ഒരുപാട് ബഹുമതികള് കിട്ടി. ഒരാള് മരിച്ചാല് റീത്തുകളും പുഷ്പചക്രങ്ങളുമായി പതിനായിരക്കണക്കിന് രൂപയുടെ പൂക്കളാണ് മൃതദേഹത്തില് മൂടുന്നത്. ശവപുഷ്പങ്ങള്. എനിക്കവ വേണ്ട. മരിച്ചവര്ക്ക് പൂക്കള് വേണ്ട. ജീവിച്ചിരിക്കുമ്പോള് ഇത്തിരി സ്നേഹം തരിക അതുമാത്രം മതി.