കട്ടന് ചായ ഇഷ്ട്ടപെടാത്തവരായി ആരും തന്നെയില്ല. കട്ടന് ചായ ആരോഗ്യത്തിന് വളരെ നല്ലതാണെന്നാണ് യുഎസിലെ നാഷണല് സെന്റര് ഫോര് ബയോടെക്നോളജി ഇന്ഫര്മേഷന് നടത്തിയ പഠനത്തില് പറയുന്നത്.അനേകം ഗുണങ്ങള് കട്ടന് കുടിക്കുന്നതോടെ ലഭിക്കും.
വിവിധതരം ക്യാന്സറുകള് പ്രതിരോധിക്കുന്ന പോളീഫിനോള്സ്, തീഫ്ലാവിന്സ്, തീരുബിജിന്സ്, കാറ്റെച്ചിന്സ് തുടങ്ങിയ ആന്റി ഓക്സിഡന്റുകള് കട്ടന് ചായയില് അടങ്ങിയിട്ടുണ്ട്. ബ്രസ്റ്റ് ട്യൂമറുകളെ തടയാന് കട്ടന് ചായയ്ക്ക് കഴിയുമെന്നാണ് ഒരു പഠനം പറയുന്നത്.കട്ടന് ചായയില് അടങ്ങിയിട്ടുള്ള തിയോഫിലിന്, കഫീന് എന്നിവ, ഉന്മേഷവും ഊര്ജവും പകരും.കോശങ്ങള്ക്കും ഡിഎന്എയ്ക്കും സംഭവിക്കുന്ന കേടുപാടുകളെ ചെറുക്കുന്ന പോളിഫിനോള്സ് കട്ടന്ചായയില് അടങ്ങിയിട്ടുണ്ട്.ദിവസവും കട്ടന്ചായ കുടിക്കുന്നത് ഹൃദയാഘാതത്തെ ചെറുക്കാന് സഹായിക്കും. കട്ടന്ചായയില് അടങ്ങിയിരിക്കുന്ന ഫ്ലാവൊനോയ്ഡ്സ് എന്ന ആന്റി ഓക്സിഡന്റാണ് ഇതിന് സഹായിക്കുന്നത്. ഹൃദയാരോഗ്യത്തിന് ആവശ്യമുള്ള ആന്റി ഓക്സിഡന്റുകളുടെ കലവറയാണ് കട്ടന്ചായ.ചായയില് അടങ്ങിയിട്ടുള്ള ഫൈറ്റോകെമിക്കല്സ് അസ്ഥികളുടെ ആരോഗ്യത്തിന് ഉത്തമമാണ്.