കൊച്ചി:പൂനെ വൈറോളജി ഇന്സ്റ്റിറ്റ്യൂട്ടിൽ നിന്നുള്ള നിപാ ഫലം ഏഴരയോടെ ലഭ്യമാകും.86 പേർ നീരീക്ഷണത്തിലാണ്. വ്യാജ പ്രചാരണത്തിനെതിരെ നടപടി എടുക്കാൻ പോലീസിനെ ചുമതലപ്പെടുത്തി.
നിപ ഹെല്പ് ലൈൻ നമ്പറുകൾ : 1077,1056
കൊച്ചിയിലെ സ്വകാര്യ ആശുപത്രിയില് ചികിത്സയില് കഴിയുന്ന യുവാവിന്റെ ആരോഗ്യനില തൃപ്തികരമാണെന്ന് ആശുപത്രി അധികൃതര് വ്യക്തമാക്കി.
നിലവില് ഐസിയുവിലെ ഐസലേഷന് വാര്ഡിലാണ് യുവാവ് ഉള്ളത്. കടുത്ത പനിയും തലവേദനയുമായാണ് യുവാവ് ആശുപത്രിയില് ചികിത്സയില് എത്തിയത്. പിന്നീട് മസ്തിഷ്ക ജ്വരത്തിന്റെ ലക്ഷണങ്ങള് കണ്ടതോടെ പ്രത്യേക വാര്ഡിലേക്ക് മാറ്റി.
ഈ ഘട്ടത്തിലാണ് നിപ ബാധയെക്കുറിച്ചുള്ള സംശയം ഉണ്ടാവുന്നത്. ഇതോടെ ആശുപത്രി അധികൃതര് എറണാകുളം ഡിഎംഒയെ വിവരം. അറിയിച്ചു. പിന്നീട് രക്തസാംപിള് ശേഖരിച്ച് പരിശോധനയ്ക്ക് അയക്കുകയായിരുന്നു. ഈ രണ്ട് ഫലവും പോസീറ്റിവ് ആയി. എങ്കിലും പ്രോട്ടോകോള് അനുസരിച്ച് പൂണൈ വൈറോളജി ഇന്സ്റ്റിറ്റ്യൂട്ടിലെ ഫലവും കൂടി വരാന് കാത്തിരിക്കുകയായിരുന്നു. നിലവില് യുവാവിന് തലവേദനയും പനിയും ഉണ്ടെങ്കിലും ഗുരുതരാവസ്ഥയില്ലെന്ന് ആശുപത്രി വൃത്തങ്ങള് വിശദീകരിച്ചു.
നില്ക്കുമ്പോള് ബാലന്സ് കിട്ടാത്തതിനാല് നേരെ നില്ക്കാന് സാധിക്കുന്നില്ല എന്ന ബുദ്ധിമുട്ടുണ്ട്. എങ്കിലും മരുന്നുകളോട് പ്രതികരിക്കുന്നുണ്ട്. അഞ്ച് ദിവസം മുന്പാണ് യുവാവ് ചികിത്സ തേടി ഇവിടെയെത്തിയത്. യുവാവിനൊപ്പം എത്തിയ അമ്മയേയും അമ്മയുടെ അനിയത്തിയേയും മുന്കരുതല് എന്ന നിലയില് ഇവിടെ പ്രത്യേക നിരീക്ഷണത്തില് നിര്ത്തിയിരിക്കുകയാണ്.