ദില്ലി: ലൈംഗികാതിക്രമം ചെറുത്തതിന് ജ്യേഷ്ഠന്റെ ഭാര്യയെയും നാലുവയസ്സുകാരനായ മകനെയും കൊലപ്പെടുത്തിയ കൗമാരക്കാരന്‍ അറസ്റ്റില്‍. യുവതിയെ കഴുത്തറുത്തും മകനെ ഫാനില്‍ കെട്ടിതൂക്കിയുമാണ് കൊലപ്പെടുത്തിയത്.മധ്യ ദില്ലിയിലെ പ്രേംനഗറിലാണ് സംഭവം ഉണ്ടായത്. ബിഹാറിലെ മുസാഫര്‍നഗര്‍ സ്വദേശിയായ കൗമാരക്കാരന്‍ കുടുംബത്തോടൊപ്പം 20 വര്‍ഷങ്ങളായി ദില്ലിയില്‍ താമസിച്ചുവരികയായിരുന്നു. മുറിയ്ക്കുള്ളില്‍ 26-കാരിയായ യുവതിയെയും മകനെയും മരിച്ച നിലയില്‍ കണ്ടെത്തിയതിനെ തുടര്‍ന്ന് പൊലീസ് നടത്തിയ അന്വേഷണത്തിലാണ് പ്രതിയെ പിടികൂടിയത്.
യുവതിയുടെ കഴുത്തില്‍ മൂര്‍ച്ചയേറിയ ആയുധമുപയോഗിച്ചുള്ള ആഴമേറിയ മുറിവ് ഉണ്ടായിരുന്നു. ഇവരുടെ നാല് വയസ്സുകാരനായ മകനെ സീലിങ് ഫാനില്‍ തൂങ്ങിയ നിലയിലാണ് കണ്ടെത്തിയത്.
