ദില്ലി: പ്രധാനമന്ത്രി നരേന്ദ്ര മോദിയുടെ ജീവിതം പ്രമേയമാക്കിയ ‘പി എം മോദി’ ചിത്രത്തിന്റെ വീഡിയോ സോങ് പുറത്തിറങ്ങി. വിവേക് ഒബ്റോയ് നായകനായെത്തുന്ന ചിത്രത്തിലെ ‘ഈശ്വര് അള്ളാ’ എന്നു തുടങ്ങുന്ന ഗാനമാണ് റിലീസ് ചെയ്തിരിക്കുന്നത്. ലവ്രാജിന്റെ വരികള്ക്ക് ഹിതേഷ് മോദക് സംഗീതം നല്കിയിരിക്കുന്നു. സുവര്ണ തിവാരിയാണ് ഗാനം ആലപിച്ചിരിക്കുന്നത്.
കലാപങ്ങളില് ദുരിതമനുഭവിക്കുന്നവരെ ആശ്വസിപ്പിക്കുകയും കലാപങ്ങള് നിയന്ത്രിക്കാന് നിര്ദ്ദേശം നല്കുകയും ചെയ്യുന്ന മോദിയുടെ കഥാപാത്രമാണ് വീഡിയോയില് നിറഞ്ഞുനില്ക്കുന്നത്. ഒമങ് കുമാര് സംവിധാനം ചെയ്ത ചിത്രത്തില് മോദിയുടെ രാഷ്ട്രീയ ജീവിതത്തിന്റെ തുടക്കം മുതല് 2014 ലെ പാര്ലമെന്റ് തിരഞ്ഞെടുപ്പ് വിജയം വരെയാണ് അവതരിപ്പിച്ചിരിക്കുന്നത്. ചിത്രം മെയ് 24 ന് തിയേറ്ററുകളിലെത്തും.