ദില്ലി: റഫാലില് സര്ക്കാരിന് തിരിച്ചടി. റഫാലില് കേന്ദ്രസര്ക്കാര് വാദങ്ങള് സുപ്രീം കോടതി തള്ളി. പുതിയ രേഖകള് സ്വീകരിക്കാന് സുപ്രീംകോടതി അനുമതി നല്കി . പ്രതിരോധ രേഖകള്സ്വീകരിക്കുന്നതിനെ കേന്ദ്രസര്ക്കാര് എതിര്ത്തിരുന്നു .
റഫാല് ഇടപാടിനെ കുറിച്ച് അന്വേഷണം ആവശ്യപ്പെട്ടുള്ള ഹര്ജികള് നേരത്തെ സുപ്രീംകോടതി തള്ളിയിരുന്നു. ആ വിധി തുറന്ന കോടതിയില് കേള്ക്കവെയാണ് പുതിയ രേഖകള് ഹര്ജിക്കാര് കോടതിക്ക് കൈമാറിയത്. പ്രതിരോധ മന്ത്രാലയത്തില് നിന്ന് മോഷ്ടിച്ച രേഖകളാണ് ഇതെന്നായിരുന്നു കേന്ദ്ര സര്ക്കാരിന്റെ വാദം.
രാജ്യസുരക്ഷക്ക് തന്നെ ഭീഷണിയാകുന്ന രേഖകളാണ് ചോര്ത്തിയതെന്നും അറ്റോര്ണി ജനറല് കെ.കെ.വേണുഗോപാല് കോടതിയെ അറിയിച്ചിരുന്നു. രേഖകള് സ്വീകരിക്കാന് കോടതി തീരുമാനിച്ചാല് അത് പ്രധാനമന്ത്രി നരേന്ദ്ര മോദിക്ക് വലിയ തിരിച്ചടിയാകും. അഭിഭാഷകനായ പ്രശാന്ത് ഭൂഷണ്, മുന് കേന്ദ്ര മന്ത്രിമാരായ യശ് വന്ത് സിന്ഗ, അരുണ് ഷൂരി എന്നിവരാണ് ഹര്ജിക്കാര്.