കൊച്ചി: കേരളാ കോണ്ഗ്രസ് ചെയര്മാന് കെ എം മാണിയുടെ ആരോഗ്യ നിലയില് പുരോഗതി. ശ്വാസകോശ സംബന്ധമായ അസുഖങ്ങളെ തുടര്ന്ന് കൊച്ചിയിലെ സ്വകാര്യ ആശുപത്രിയില് ചികിത്സയില് കഴിയുന്ന അദ്ദേഹത്തിന്റെ ശ്വാസോച്ഛാസവും രക്തസമ്മര്ദവും സാധാരണ നിലയില് ആയതായി ഡോക്ടര്മാര് അറിയിച്ചു. ശരീരം മരുന്നുകളോടു പ്രതികരിക്കുന്നുണ്ടെന്നും ഡോക്ടര്മാര് പറഞ്ഞു.
കഴിഞ്ഞ വെള്ളിയാഴ്ച പുലര്ച്ചയെയാണ് കെഎം മാണിയെ ലേക് ഷോര് ആശുപത്രിയില് പ്രവേശിപ്പിച്ചത്. ശ്വാസകോശത്തില് അണുബാധ കണ്ടെത്തിയതിനെത്തുടര്ന്ന് അദ്ദേഹത്തെ തീവ്രപരിചരണ വിഭാഗത്തിലാക്കുകയായിരുന്നു. രാത്രിയില് വെന്റിലേറ്റര് സഹായവും നല്കുന്നുണ്ട്. മൂക്കിലൂടെ ട്യൂബ് ഘടിപ്പിച്ചാണ് അദ്ദേഹത്തിനു ആഹാരം നല്കുന്നത്. മരുന്നുകളുടെ സഹായമില്ലാതെ രക്ത സമ്മര്ദ്ദവും നാഡിമിടിപ്പും സാധാരണ നിലയില് പ്രവര്ത്തിക്കുന്നുണ്ട്.
അണുബാധ ഉണ്ടാകാതിരിക്കാന് ആശുപത്രിയില് സന്ദര്ശകര്ക്ക് കര്ശന നിയന്ത്രണം ഏര്പ്പെടുത്തിയിട്ടുണ്ട്. ഇന്നലെ മുഖ്യമന്ത്രി പിണറായി വിജയനും മുസ്ലിം ലീഗ് നേതാവ് പികെ കുഞ്ഞാലിക്കുട്ടിയും അദ്ദേഹത്തെ സന്ദര്ശിച്ചു.