മലപ്പുറം: മുസ്ലീം ലീഗിനെതിരെ പരാമര്‍ശം നടത്തിയ ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥിന് അറിവില്ലായ്മയാണെന്നും എന്‍ഡിഎയിലും പച്ചക്കൊടിയുണ്ടെന്നും പി.കെ കുഞ്ഞാലിക്കുട്ടി. ലീഗ് വൈറസ് ആണെന്നായിരുന്നു യോഗിയുടെ പരാമര്‍ശം. കോണ്‍ഗ്രസിനെ ആ വൈറസ് ബാധിച്ചിരിക്കുകയാണെന്നും ഈ വൈറസ് രാജ്യം മുഴുവന്‍ പടന്നുപിടിക്കുമെന്നും യോഗി പറഞ്ഞു.
അതേസമയം യോഗിയുടെ പരാമര്‍ശത്തിനെതിരെ തെരഞ്ഞെടുപ്പ് കമ്മീഷനില്‍ പരാതി നല്‍കുമെന്ന് മുസ്ലിം ലീഗ് സംസ്ഥാന ജനറല്‍ സെക്രട്ടറി കെപിഎ മജീദ് പറഞ്ഞു.
